WASHIRIKI SABASABA WASEMA MAONESHO YANAWASAIDIA KUKUZA BIASHARA ZAO!

 

Baadhi ya washiriki wa Maonesho ya 35 ya Kimataifa ya Dar es Salaam DITF yaliyoanza leo katika Viwanja vya Mwalimu Nyerere jijini Dar es Salaam maarufu kama ‘Sabasaba’ wamesema, kwa kuyatumia maonesho hayo wanapata mafanikio kibiashara kutokana na kupata wadau wapya kila baada ya msimu wa maonesho kumalizika.

Mkurugenzi wa Nyina Enterprises Textile SARA NYAMBACHA ambaye anashiriki maonesho hayo kupitia banda la watu wasiojiweza kupitia udhamini wa Wizara ya Viwanda na amesema kutokana na mabadiliko ya kila mwaka kupitia mafunzo mbalimbali wameweza kukuza kiwango cha biashara zao.
Kwa upande wake BONIFACE MINJA ambaye ni mshiriki kupitia SAMABO Mirror Enterprises ya Arusha amesema katika maonesho ya mwaka huu wameboresha kiwango cha bidhaa wanazozionesha ili kukidhi matakwa ya wateja.