RAIS JAKAYA KIKWETE ATIA SAINI KITABU CHA MAOMBELEZO YA RAIS CHILUBA!

                FREDERICK CHILUBA(Kulia) enzi za uhai wake akiwa na mkewe
Rais JAKAYA KIKWETE hii leo ametia saini kitabu maombolezo ya kifo cha Dakta FREDERICK CHILUBA, Rais wa Zamani wa Zambia katika ubalozi wa nchi hiyo hapa nchini.

Sanjari na hatua hatua hiyo Rais KIKWETE ambae alikuwa ameongozana na mkewe Mama SALMA aliweza pia kutuma salam za Rambi rambi kwa wananchi wa Zambia kupitia Balozi wao Bi MAVIS LENGALENGA.
Marehemu Dakta Chiluba atakumbukwa na Afrika nzima na hususani nchi zilizo katika Jumuiya ya Maendeleo ya Kusini Mwa Afrika (SADC).Mazishi ya Marehemu Dakta Chiluba yamefanyika leo mjini Lusaka katika makaburi ya viongozi yaliyoko katika bustani ya Embassy.
Rais Mstaafu wa Awamu ya Tatu, Benjamin William Mkapa anaiwakilisha Tanzania katika maziko hayo. Dakta Frederick Chiluba, alifariki, Juni 18 akiwa na miaka 68.