PARADISE HOTEL YADHAMINI REDDS MISS ILALA!

Warembo hao wapatao 20 wataingia hotelini hapo majira ya saa nne asubuhi ambapo saa mbili baadae watapata nafasi ya kukutana na wapiga picha wa magazeti, Television na Blogs pamoja na kuzungumza na waandishi wa habari.

Akizungumzia kambi hiyo Mwenyekiti wa kamati ya Miss Ilala Jackson Kalikumtima alisema kuwa kambi hiyo kufanyika katika hoteli hiyo ni hatua kubwa kwa mashindano ya Redds Miss Ilala 2011 hasa ikizangatia uzuri na ubora wa hoteli hiyo.


Kalikumtima alisema kuwa kwa kuwa hoteli hiyo ni hoteli ya nyota nne itakuwa ni nafasi ya pekee kwa warembo kujionea na kuonja huduma mbalimbali zinazotolewa katika hoteli ya kitalii na pia ni rahisi kwa waandishi wa habari kupitia na kupata taarifa mbalimbali muhimu kuhusu kambi na warembo kwa ujumla.

Naye Meneja wa Masoko wa Hoteli hiyo Michael Mukua alisema kuwa wakiwa hotelini hapo warembo watapata nafasi ya kujifunza masuala mbalimbali hayusuyo hoteli, mapishi na muenendo wa shughuli za hoteli.

Alisema kuwa anatambua kuwa hoteli ya Paradise ina nafasi kubwa ya kusaidia Miss Ilala kwa kuwa ipo katika wilaya ya Ilala na pia ina mikakati ya kusiaida shughuli mbalimbali za wilaya ya Ilala.


Redds Miss Ilala inatarajia kufanyika Julai 29 mwaka huu na wadhamini ni Paradise City Hotel, Redds Premium Cold, Tanzania Standard Newspaper (TSN), Vodacom Tanzania, Uchumi Supermarket, Syscorp Group, Michuzi Blogspot, Paris Pub, Tv Sibuka, Chanel Ten, Clouds Fm na Fabak Fashion.