UBALOZI WA BRAZIL ULIVYOWAKARIBISHA WATANZANIA KWENYE MAONYESHO YA KAPOEIRA RUSSIAN CULTURE.

Mwalimu wa Mchezo wa Kapoeira ambao ni utambulisho halali wa Utaifa wa Brazil Mestra Janja (katikati) akizungumzia kuanza kwa warsha ya mchezo huo nchini Tanzania itakayofanyika Chuo Kikuu cha Dar es Salaam leo kuanzia Saa 12 jioni ambapo umuhimu na faida za mchezo huo vitafundishwa. Kushoto ni Kapoelista Gabriel Limaverde na Kulia ni Kapoelista Paula Andreewitch.

Afisa Michezo na Utamaduni Ubalozi wa Brazil nchini Tanzania Lazaro Ngimba (kushoto) akitoa ufafanuzi kwa waandishi wa habari jijini Dar es Salaam leo kuhusiana na warsha ya mchezo wa Kapoeira itakayofanyika katika Chuo Kikuu cha Dar es Salaam kwa mda wa siku mbili ambapo amesema leo warsha hiyo itaanza Saa 12 jioni na kesho ni Saa 8 mchana na baadaye Wanakapoeira watakutana Kituo cha Utamaduni cha Russia ambapo Watanzania Wake kwa Waume wamealikwa kushuhudia mchezo huo.

Na Theeastafrica BlogerKwa mara ya Kwanza mchezo wa Kapoeira ulizinduliwa nchini Tanzania Mwezi June mwaka jana na kwa jijini Dar es Salaam mafunzo ya mchezo huo yanafanyika katika kituo cha Fitness Centre Msasani jijini Dar es Salaam.


Kapoeira ni Utambulisho halali wa Utaifa wa Brazil na Alama madhubuti ya Wabrazil, hazina Muhimu ya Utamaduni wa Utu na Umoja na ni Sanaa ya Kibrazil ya Ulinzi na Kujikomboa kutumia akili na viungo vya kibinadamu.

Pia ni sehemu ya taaluma, fani na ujenzi maalum nchini Brazil na nchi zingine ambako imekubalika na kutambulika, hivyo inafundishwa na inachezwa katika nyanja mbalimbali na kuzingatiwa katika tafiti za viwango tofauti vikijumuisha na vya Shahada ya Uzamili (Master's Digrii) na Digrii ya Udaktari wa Falsafa kwenye masomo ya Anthropologia, Historia, Soshologia, Elimu na Elimu ya Viungo.