TIGO YATOA MSAADA WA VIBAO MAALUM KWA SHULE YA MSINGI KIBESA MBEZI LUISI!

Kampuni ya simu za mkononi Tigo imetoa msaada wa vibao maalum kwa wanafunzi wa shule ya msingi KIBESA iliyopo kata ya Mbezi Luisi, Manispaa ya Kinondoni, Jijini Dar es salaam, vipatavyo 150 vitakavyotumika kujifunzia na kuandikia kama nyenzo mbadala ili kukabiliana na uhaba wa madawati unaoikabili shule hiyo.

Afisa Viwango wa Tigo, PAMELA SHELLUKINDO, amesema kifaa hicho kitawawezesha Wanafunzi katika Shule hiyo kuondokana na tatizo la kuandikia chini wanapokuwa darasani.


Naye Mwalimu Mkuu wa shule hiyo, Bwana FRANCO MWAKIBINGA amesema kutokana na kuwepo kwa changamoto mbalimbali zinazoikabili shule hiyo ameiomba kampuni ya Simu za Mkononi ya Tigo kuendelea kujitoa katika kusaidia shule mbalimbali ili kuondokana na changamoto zilizopo.